Built-up Curved Rafter (အမိုးခုံး သံမဏိကိုယ်ထည်စနစ်)

ဤအမိုးခုံးဗိသုကာလက်ရာသည် သဘာဝအလင်းရောင် ရရှိစေရန်နှင့် လေဆိပ်များ၊ ဘူတာရုံများ၊ ဈေးဝယ်စင်တာများ၊ အားကစားရုံများနှင့် အပန်းဖြေစင်တာများကဲ့သို့ အများပြည်သူဆိုင်ရာ အဆောက်အအုံများတွင် ကျယ်ဝန်းခမ်းနားသော ခံစားမှုကို ဖန်တီးပေးနိုင်ရန် အထူးဒီဇိုင်းထုတ်ထားခြင်း ဖြစ်သည်။ ၎င်းသည် ပေါ့ပါးသော အမိုးခုံးသံမဏိကိုယ်ထည် သို့မဟုတ် အမိုးခုံးဘောင်များဖြင့် မှန်ချပ်မျက်နှာပြင်အမြောက်အမြားကို ခိုင်မာစွာ ထောက်ကူပေးနိုင်စွမ်း ရှိသည်။ သာမန်အမိုးအကာများဖြင့် တည်ဆောက်ထားလျှင်ပင် အမိုးခုံးသံမဏိကိုယ်ထည်ကို ပေါ်လွင်အောင် ပြသခြင်းဖြင့် အတွင်းပိုင်းနေရာကို ပိုမိုကျယ်ဝန်းသောင် အသွင်အပြင်သို့ မြှင့်တင်ပေးနိုင်ပါသည်။

ထို့အပြင် Built-up Curved Rafter အဆောက်အအုံများသည် အခြားသော သံမဏိအဆောက်အအုံများထက် ကုန်ကျစရိတ် ပိုမိုများပြားခြင်း မရှိပါ။ သံမဏိကိုယ်ထည်ကို ကွေးညွတ်ရန်အတွက် ကုန်ကျမည့် အပိုစရိတ်သည် အဆောက်အအုံတစ်ခုလုံး၏ ကုန်ကျစရိတ်နှင့် နှိုင်းယှဉ်ပါက အလွန်နည်းပါးပြီး အမိုးအထွတ်ဒီဇိုင်းနှင့် အနားကွပ်ပြား (Flashing) ကုန်ကျစရိတ် သက်သာမှုတို့ဖြင့် ပြန်လည်ကာမိစေပါသည်။ အမိုးခုံးတန်းများပေါ်တွင် တပ်ဆင်မည့် အမိုးပြားများကိုလည်း ကြိုတင်ကွေးထားရန် မလိုဘဲ တပ်ဆင်နေစဉ်အတွင်း အမိုး၏အကွေးအတိုင်း အလွယ်တကူ လိုက်ပါပုံသွင်းနိုင်သောကြောင့် အထူးပြုပြင်ဖန်တီးစရိတ်များ လုံးဝမလိုအပ်ပါ။